3個月哪

毛mo小姐終於3個月大哪, 亦打左第2枝針, 佢打完針都好生猛, 又食得又玩得, 我地每一次吸塵拖地, 都會將mo小姐放入籠, 佢就會眼甘甘咁望實把地拖左搖右擺, 有時又會喵喵幾次, 想我地快d放佢出嚟!

我係食人貓.....問你驚唔驚 

下面呢張係mo小姐見到獵物, 準備靜雞雞撲過去.......佢今日嘅獵物係我部相機帶!

呢幾日覺得mo小姐重手左, 之前單手拎起佢, 完全冇問題, 伊家拎耐d有d手軟! mo限姐愈來愈嗲人, 佢就算瞓左覺, 但每一次見到我地出現, 佢都會起身再瞓在我地附近, 又鍾意跟人出出入入, 似狗仔多d, 唔知係咪布偶貓嘅特性!