Momo回家第2天 (30/5/2010) 今天帶她去看醫生, 醫生護士把她弄痛了, 醫生說她有輕微貓瘟, 要每天吃苦藥, 她吃藥時又咬又抓的反抗, 真的很痛苦, 我們也很擔心怎樣喂她吃藥,因為我們和護士3人也按不住她, 我們走出診所時真的很down, 還有那差不多$1000元的藥費! 回家後我幫她洗眼和洗臉, 她很enjoy似的, 咪著眼睡著了!
Momo回家第3天 (31/5/2010)我成功咁喂到momo食藥, 還要是一個人喂她, 她食完藥, 一路走一路嘔泡, 又唔比我幫佢抺, 好似嬲左我咁, 死都唔比我見到佢嘔泡個樣! 不過佢之後都有啋我,她喜歡跟著我, 我行去邊她跟去邊!尋日帶左佢去番間寵物店, 佢地叫我唔好比醫生d藥佢食, 說會害死她, 說她不是傷風, 只是未習慣新環境有些敏感, 她又比左隻藥我比momo食, 是朱古力味, 她們說如果我不懂養貓, 不如比番佢, 她比番錢我地, 佢講到咁, 我地唯有信佢一次咁多!
Momo回家第4天 (1/6/2010)今日午餐時間, 我又回家, 我只留了半小時, 但她已打了5-6次噴嚏, 病情好像沒有好轉, 我真的很擔心, 晚上我同老公為左momo有些意見, 我話後悔養貓, 其實都幾花時間去照顧佢, 不是想像中咁簡單, 而且佢成日攪破壞, 我地要成日no no no...又好怕她會病, 不過我同老公都沒有想過放棄她, 而家我地每次講電話的話題都是momo, 好像初為人父母一樣!
Momo回家第5天 (2/6/2010) 我今日請左半日假, 想睇下momo打噴嚏的情況有冇改善, 她好像好了點! 少了打噴嚏, 我買了一些幼貓奶粉, 希望她營養好一點, 她很喜歡喝, 不過喝後幾小時, 她經常想睡, 不似平時的她, 我心想是否吃得太飽呢! 臨上班前, 她去了沙盤, 發出一陣臭味, 但我趕上班, 將她放了籠裏便離開了! 可能我比了奶她喝, 她肚嗬攪到PAT PAT附近都係屎…又唔比我幫佢抺, 周圍走, 仲上sofa, 我捉佢落sofa, 佢咬到我流血….不過我知佢好怕羞, 不想人掂佢重要部位,她好臭, 後來佢自己用脷清潔自己, 但事後她好累, 沒有哂胃口, 成日想瞓…又打冷震,其實我都好累, 我的朋友養貓幾年, 都未試過被貓咬到流血, 我好似幾日已經經歷好多野……..好down!
Momo回家第6天 (3/6/2010)經過昨天的事, momo胃口差了, 平時很快吃完貓糧, 今天卻吃剩很多, 我今天午餐時間又回家, 放了momo出來, 嘗試留她一個在家, 而不放在籠內, 放工後, 我急步回家看一看家中有沒有很混亂, momo也很乖, 一個在家也沒有事發生! 晚上時, 她的胃口好了一點點, 吃了兩三倘, 終於把食物吃完!還與我們玩了好一會, 好像好番好多了!
MoMo回家第7天(4/6/2010), 每天早上. Momo都跟著我的腳旁, 抬頭看著我, 興奮時, 更會作勢咬我的腳,當然她只是印下印下, 但因為上次的經歷, 我變得有點怕, 所以撙下身子, 碰著她的 子說no! 但她仍然是跟在我的腳前, 我很怕會踏到她! 我今天穿了長裙, 她瘋了似的咬著我的裙腳! 我今天都病了, MOMO是否你的惡菌傳染了給我! 雖然話貓瘟不會傳染給人, 但你每天在我家四處打噴嚏, 你的口水真的周圍走呀!今日下午又忍唔住番屋企, momo可能聽到門聲, 所以她已經坐在門口等我, 我入屋後, 她又撲到我腳處, 跟著我不肯離開!
沒有留言:
發佈留言