我愛你！你愛我嗎?

MO之BODY CHECK

阿MO一年一度BODY CHECK，我又帶牠見DR. MAGGIE，醫生見牠時第一句便說YOU ARE VERY BEAUTIFUL! 好誇張!係咪見親人都咁講......!!!又話佢大隻左好多????其實得4.5KG，都唔係好大隻，又話佢身體STRONG AND FULL，阿MO身體都算OK，我對醫生說阿MO耳仔很快DIRTY，很多啡色物，所以要每隔一兩日幫牠洗耳仔，她用了顯微鏡望左幾次牠耳仔，話阿MO耳道好好冇發炎, 耳仔無蝨，耳仔易污槽可能係佢耳仔分泌物多，所以開左支藥膏比佢，叮囑只塗小小已足夠!如無意外，3年後先再打針LU!

今次阿MO去見醫生好似好辛苦，可能天氣太熱，第一次用這個寵物袋，阿MO差D焗暈，未入袋時，阿MO極度好奇好想入去，但當入到一半，牠又走番出來望一望我，唔通佢一早知道個袋好焗~~~~~

去DR. MAGGIE度, 要先搭港鐵再轉TAXI，約45分鐘到達診所，阿MO在寵物袋內間歇性的抖大氣，好似隻狗咁, 仲整個身子在震，我以為佢好驚，只有摸摸頭部安慰牠~~~~

但番到屋企，佢仍然間歇性的抖大氣，而且不斷地飲水.......個樣又好累!!!! 我估係個寵物袋太焗，佢有D中暑! 食完晚餐後，佢冇再抖大氣，佢伊家瞓左覺......牠真係需要好好休息呀!

網上時裝店(已收貨)

同事介紹某個英國時裝購物網，入面有好多好多衫，鞋及accessories等等，正價不算平，但特價時加上免郵費期間，又真係買得過，但要2-3星期才收到貨，我睇中了下面6條特價長裙，價錢是港幣$140-$240不等，但我只會買一件試試，真是心大心細! 

之後又睇中下面兩件，特價外另有額外9折左面($210)及8折右面($190)，所以很多衫已經斷碼

My size: USA-XS, USA-4, EUR-S, UK-S, UK-8

網上訂了上面兩件衫, 約需8個工作天收到貨，

平價煥膚 (更新版)

昨天載了新隱形眼鏡，和我本身的眼鏡相差100度，所以睇野好清好清，望見鏡中的自己好驚好驚，什麼皮膚問題也放大了，我需要認真正視自己的皮膚問題，sk-ii試了幾日，當然效果不太明顯，又想試一些效果顯著些的，卒之找到了reenex的cps，但我是超問題皮膚，去到只有死路一條，因為價錢不平，還是問多些人意見再作決定!

無意中又看見這個 NEOSTRATA美國醫學護膚品牌 ，網上口碑很不錯，皇牌是上面那個家用煥膚3部曲，其實是洗臉GEL, MASK和潤膚霜，不過各自都含有不同果酸成份，所以當皮膚有所改善，我便會停用一排。

當然買之前，最好有試用裝試下會否皮膚敏感，在萬寧正價3枝分別是$198(FACIAL CLEANSER), $258 (GEL PLUS)及$258 (ULTRA MOISTURIZING FACE CREAM)，萬寧不時有折扣，建議等減價先買，這幾天剛巧有試用裝賣, 換購價$29.90，12/8開始在萬寧發售，不過很快便斷貨，我今天行了4間萬寧才買到店中的最後一盒!

至於試用第一次，CLEANSER質地好清爽，用後毛孔好像乾淨了，皮膚亦滑了點，有點似磨完砂的感覺，之後用GEL PLUS，果酸成份較高，所以只塗少許於T字位，有一點拮拮地，不過很快就消失了，而FACE CREAM質地比較潤，但晚上用加上冷氣房又剛剛好，塗完臉上多了光澤，但短暫的光輝不代表永恆，看一看明早又會怎樣!

2011.8.21用了試用裝的第2天, 下巴皮膚明顯比用磨砂膏乾淨和滑溜, 繼續用CLEANSER用了7天，仍然感覺頗清潔，至於那枝人人讚的GEL PLUS，用了兩次, 除了拿拿地外，其實效果不覺太明顯，而FACE CREAM即間歇塗了幾天，質地比較杰身, 所以呢幾天萬寧正價護膚品7折時, 只買左CLEANSER，而GEL PLUS和FACE CREAM待用完試用裝才決定!

兒凶 (Insidious)

             From: yahoo movie

昨晚在pps看了《兒凶》，聽聞導演占士温亦是恐懼鬥室的導演，喜歡玩困獸鬥和出人意表的結局，而美國開畫大收，今次《兒凶》開宗明義講鬼，氣氛尚算緊張，亦是西片慣性用音效去嚇人，但香港人看恐怖片長大的，我覺得看日本、泰國的恐怖片，都比這套電影恐怖得多，可能是文化背景不同吧，電影更有好幾幕畫公仔畫出腸，那隻野樣子十分清楚，有些好像載了面具，還會捉著人咬，因為太實在了，有點像遊樂場扮鬼的職員，所以覺得幾好笑!

我覺得《兒凶》似懸疑片多一點，令人很想知道結局，究竟導演今次會玩什麼呢，相對那套《死亡錄像》，這套的電影的劇本更完整，更能營造恐怖氣氛!

但想看得投入的，當然是買票入戲院看戲啦，感覺會相差很遠!

更新(2011年9月25日)

聽過影評後，今天再看一次《兒凶》，聽聞影片去到中段，即男主角進入陰間時見到的第一個人(?)是關鍵人物，第一次看時真的沒有留意，今次再看，當然一看便明白了，聽影評人說，當留意到這個關鍵人物時，整套電影便會更可怕.......!!??雖然影評人沒有穿橋，但我看了第2次，仍然覺得不太可怕，可能是這套電影的鬼怪是針對外國人吧!

再試SK-II

最近發覺額頭出現了乾紋，塗什麼CREAM亦沒有用，不化妝時好少少，化妝時更有點龜裂，好恐怖!! 剛巧朋友買SK-II有DISCOUNT，便買了神仙水(FACIAL TREATMENT ESSENCE-$795/150ml)和 科研超淨斑精華(WHITENING SPOTS SPECIALIST-$680/30ml, $980/50ml)來試，其實N件前用過一樽神仙水和一盒MASK，不過當時效果不明顯，所以沒有再用了! 但今次皮膚真的出現問題，我相信效果會明顯一點吧!

但我的皮膚是有一點敏感的，早幾天臉頰還因用了一些舊mask而出現敏感，所以我只敢將神仙水和淨斑精華塗在額頭上，因為聽聞sk-ii不適用於敏感皮膚，今天第一天使用，看一看一星期後有什麼分別!

阿mo好像對個盒有興趣些，牙痕呀!




2011-8-28(sun)

早晚用一次神仙水，晚上用一次淨斑精華，已經20天了，額頭乾紋沒有明顯改善，斑斑亦沒有轉淡.....繼續使用

有點累

身心疲憊，不知道自己想要什麼，只是很累很累!好想去旅行呀!

貓之玩意

阿MO: 「媽媽，可唔可以同我玩一陣呀!」
阿MO雖然已經1歲幾，但仍然極度愛玩，而且會主動走到我面前，叫我一齊玩，但我這個
懶媽媽放工後真係好累，所以好少同佢玩，通常將玩呢個重任交左比MO爸，當我同佢玩時，
佢好似玩得好興奮，不過好快又玩厭，最近冇咩新玩意，請問各位貓爸媽，平時同自己的貓貓玩什麼?有什麼貓玩意介紹呢?

綜 合 招 聘 考 試 及 基 本 法 測 試

趁有時間加上朋友提議，我都幾想考這個試，但對於這個考試認識不多，究竟怎樣報名，考什麼?有沒有考試費等等......??考過的人，可以給我一些建議嗎?

此 輪 考 試 的 申 請 日 期 如 下：

考 試 地 點 及 日 期	申 請 日 期
香 港，2011 年 10 月 8 日 及 15 日註	2011 年 8 月 5 日  至  8 月 18 日
香 港 以 外 城 市，2011 年 12 月 10 日	2011 年 9 月 12 日  至  9 月26 日

綜 合 招 聘 考 試

綜 合 招 聘 考 試 包 括 三 張 各 為 45 分 鐘 的 多 項 選 擇 題 試 卷 ， 分 別 是 英 文 運 用 、 中 文 運 用 和 能 力 傾 向 測 試 ， 目 的 是 評 核 考 生 的 英 、 中 語 文 能 力 及 推 理 能 力 。 英 文 運 用 及 中 文 運 用 試 卷 的 成 績 分 為 二 級 、 一 級 或 不 及 格 ， 並 以 二 級 為 最 高 等 級 ； 而 能 力 傾 向 測 試 的 成 績 則 分 為 及 格 或 不 及 格 。 英 文 運 用 及 中 文 運 用 試 卷 的 二 級 及 一 級 成 績 和 能 力 傾 向 測 試 的 及 格 成 績 永 久 有 效 。

http://www.csb.gov.hk/tc_chi/recruit/cre/949.html