2011年2月26日星期六

最近想買

自從某人買了iphone 4後, 我好想好想買一部新手提電話, 但我以往的經驗是不壞不會買新電話的, 電話費亦只是每月付幾十元的增值卡, 好慳家! 對上一部買的電話是2006年推出的SONY ERICSSON K800i, 現在除了好間中自動熄機外, 它還是運作得好好的, 最重要是它拍的相片也不賴, 我這處1/3的相片也是出自它的!但拍片質素卻十分之差勁!

我最近看中了一部SONY ERICSSON X10 HD, 其實已經出了差不多一年, 價錢由$5XXX回落至$3XXX!

重點是它出名拍相片靚, 拍片亦佳, 外型亦討好, 最大缺點是它只有Android 2.1版本, 亦未必再更新, 而且坊間投訴它的聽筒太細聲, 但對我來講, 拍相片和拍MOVIE才是最重要!

但昂貴的機價和月費卻令我卻步, 過年前3HK有一個PROMOTION, 可以簽28個月約, 月費$148, 加$12行政及$15增值服務費, 機價只需$440買X10, 連機價每月平均只是$191左右, 其它台買同款機上台, 平均也要$300+以上, 3HK還要多送頭18個月200M數據, 有400M, 對於只是上微博和CHECK EMAIL的我, 已經好夠用了!

但3HK一向電話接收和上網服務劣評如潮, 我是用開SMARTONE的, 真的怕未能適應, 下星期一是PROMOTION的DEADLINE, 希望可以盡快決定啦, 現在還是十五十六!

2011年2月19日星期六

寵物節2011

今日去左灣仔寵物展, 好多好多人呀! 仲有狗狗行來行去, 又有好多靚貓貓參展.....買票的記住攞場刊, 因為有好多coupon, 可以取贈品, 我因為懶得遂間搵, 所以只攞得1/4左右, 大部份是試食, 現場所見, 狗用品佔多數!

我買一個寵物袋($225), momo開始大了, 舊袋放不入牠, 又買了一樽大的消毒濟($240), 夠用一年了, 還有兩枝毛毛棒($50), 一隻震震鼠($25), 兩個貓彈弓($18), momo超愛玩, 另外兩包牠的至愛零食!

很喜歡這個寵物袋, 因為不太似寵物袋, 可以搭港鐵嘛, 不過外型太女仔了, 某人不肯拎呀!

2011年2月17日星期四

11個月大

阿mo又大個左小小, 佢伊家每天早上8時就會跳上床瞓係我隔離, 等我起身, 距離又近左!

2011年2月11日星期五

新年團拜

新年期間, 少不免是朋友團拜, 先試意大利菜，每人$170, 閒日不太多人, 氣氛味道都幾好!

La Bons Brasserie (Wan Chai)

至於銅鑼灣鼎泰豐味道一般, 份量太少, 我是一個大食的人呀, 不夠食!一次夠了!

鼎泰豐(Causeway Bay)

2011年2月7日星期一

我家大小姐

我常用我家大小姐來形容阿mo，因為牠真的好有小姐脾氣，有時我都會將牠與朋友養的貓比較，心想點解牠咁惡死，一不高興便又抓又咬，別人的貓最多出抓，應該好少好似狗咁咬人，但阿mo好容易出口，牠本小姐玩得高興時也會咬人!

今天我問mo爸爸，點解我地隻貓咁惡死，mo爸爸沒有回答，牠初到我家時也不太好惹，牠很自我，總之是牠想怎樣便怎樣，又時常大字形睡在廳的地板上！牠喜歡時，我一叫牠，牠便會急急腳的走到我面前，還喵一聲的叫我，不喜歡時，就算牠在我面前亦不會望我一眼!又或是愈叫愈走!

阿mo的口味經常變，牠一向食開FELIDAE的貓乾糧，我見牠吃了半年亦不抗拒，所以在過年前訂了一大包15LB的, 夠牠吃4個月了，而且平一點，怎知道阿MO這幾天突然轉口味，完全不吃那包乾糧，牠已經有兩天沒有吃這款乾糧了，只吃濕糧，牠以前是吃ALMO NATURE的濕糧，吃了兩個幾月，突然有一天完全不吃，後來我買了APPLAW的濕糧給牠，牠又超愛吃，其實兩款都是天然糧，但牠的口味卻經常轉，我試過餓一餓牠，但始終牠只是吃幾粒又停口。有時真係幾煩!