中環翠華

翠華一向比我感覺是富豪茶餐廳, 覺得好貴, 不過伊家求其搵間茶餐廳, 叫個海南雞飯餐, 都豈碼要$38, 所以今次回歸翠華, 食文昌雞飯餐($50), 豈碼佢整得好食d, 真係好想食多次!再來一個奶油豬($12), 兩個人share, 食完一個唔夠喉, 再來一個!再添一碗四寶魚湯米線($28), 鮮甜好味!貴得有道理!

現在茶餐廳之"貴",有時真係令人咋舌, 但係質素又冇保障, 好飄忽, 是否一分錢一分貨, 真係不得而知, 但出名同多人幫襯都應該有道理卦!

郊區遊

今天郊外一天遊, 遇著一個好可愛的妹妹,  我忍唔住幫佢映左幾張相!

她的post有點似扎馬, ha ha....真係好鬼cute!

心動

我一直想養一隻貓貓, 但爸爸叮囑我, 養寵物是一生一世的事, 不可以半途而廢, 所以最好是不要養, 佢又話貓貓會抓爛屋企d野, 又會隨地方便, 我說只要教牠就沒有問題了!

但始終牠是有生命有感覺的, 如果我真的決定要養時, 不可以因為個人問題而放棄, 雖然身邊的朋友勸我快點養一隻, 加入她們的一份子, 但我還是下唔到決心!

我想搵一隻令我一見鍾情的貓貓, 但呢幾年都未遇到, 今日居然比我係某網站見到呢隻待領養的貓女, 我真係好鍾意佢, 忍唔住望多佢幾眼, 更sent左e-mail去網站問貓貓比人領養左未, 不過佢咁可愛, 我諗都係冇嘅多! 原來有時係需要有d衝動, 先可以下到決心, 我要多睇一d養貓心得, 為將來的牠做準備!

但問心果句, 屋企真係冇多餘空間可以放得落貓的沙池和小小的貓屋, 更不要說活動空間, 這可能是我一直不敢的起心肝養貓的原因!

考聽力

平時生活, 對得人多, 鬼話愈來愈生疏, 下面這個網站, 有很多英語對話和練習, 還分了初,中,高級, 最好給我練習英文聽力的好機會! 試過幾段,有點似以前會考的LISTENING!

以下是部份英語錄音, 還有更多請到以下網站啦

http://www.esl-lab.com/

General Listening Quizzes [ Listen to Everyday Conversations with Adult and Children's Voices ]
Easy Answering Machine A Day at School Apartments for Rent Camping Under the Stars Christmas is Coming! Clothing Styles Travel Arrangements Travel on Sky Airlines What a Busy Day! Where are you from?	Medium A Student Credit Card A Healthy Lifestyle A Hiking Family A Story to Remember Back to School Supplies Baking Cookies Breakfast Recipes Budget Hotel Rooms Car Rental College Majors	Difficult Adsense: Making Money 72-Hour Emergency Kit A Free Cell Phone! A University Degree ABCs of Money Matters Cancer Treatment Car Accident Car Repairs Dating Woes Driving Road Test

南生圍 + 大榮華 + B仔涼粉

想去南生圍好耐, 趁幾天長假期, 便走一倘, 比我想像中更易去, 在東涌線南昌站轉西鐵去元朗站即可, 至於出站後怎樣行, 可看看這位網上明燈的指引!元朗站出站口後, 約步行15-20分鐘!

今次去南生圍沒有映太多風景相, 反而是互拍了很多個人相片, 不過南生圍超多人, 特別是單車客更多, 所以拍照取景並不易, 在一些好HIT的景點, 需要等一些時間!

去完南生圍, 坐的士去大榮華, 車費只是$14.5, 100款小菜, 每款$55!, 但味道強差人意!

頭抽蒜片炒生蝦(味道幾好, 咸咸地)

家鄉蒸蠔缽(好麻麻)

圍頭5味雞 (好普通)

桂花蟹肉炒魚肚(冇蛋味, 冇咩魚肚, 好麻麻)

豬油撈飯(可以一試)

超甜的免費糖水綠豆沙(超!!!甜)

兩個人, 埋單$275, 聽聞最好味是馬拉糕, 不過份量太多, 沒有叫了!

之後行去B仔涼粉, 都行左15-20分鐘先搵到, 不過真係好好味, 叫了楊枝甘露$25, 我從未食過楊枝甘露有咁多芒果, 而且芒果肉好甜, 好好味!

另外叫芒果西米撈$27, 勁多芒果汁, 西米和芒果, 正!

我是香港島的人, 第一次坐輕鐵,  好奇怪係咪有人會冇do八達通照上車??

Avatar + 牛陣

遲了差不多4個月才看阿凡達 , 第一次去尖沙咀I SQUARE內的i-MAX看戲, 好在買了最後一行最中間的位置, 如果坐較前的位置, 我怕會噁, 雖然電影上了近4個月, 票價仍高企$170一位, 但仍然是坐無虛席, 之前聽過太多朋友讚這電影, 但我仍然覺得是好看的!

如果我是男主角, 我都會和他一樣, 選擇留在外星, 不回地球!

看完電影, 便去I square內的牛陣吃任食火鍋, 任食90分鐘, $118起, 分清湯, 豆漿和日本甜豉油, 湯料不同價錢不同, and then牛肉級數不同, 價錢又不同, 不包飲品! 另配料蔬菜, 魚蛋, 貢丸, 豆腐等等任取, 還有只限I-square分店的任食Haagen Dazs雪糕!

叫了貴一點的任食牛肉火鍋, 清湯底, 每位$148+10%, 有免費茶水供應, 牛肉和豬肩肉的味道和肉質ok, 至於好像煙肉的豬腩肉卻略為肥了點, 吃完一轉已不想再吃, 而Haagen Dazs雪糕有4款選擇, 好像租了點, 味道一般般啦!