澳門生日之旅(二)

第一天去澳門真係熱到飛起，在酒店有車去威尼斯人，其實行路好過，等車都5-15分鐘一班，行車又10分鐘，行路仲近，另外有酒店車去半島那邊的金沙酒店，在酒店放下行李，便乘酒店車到金沙酒店，再轉taxi ($25)去議事亭前地找地方吃午餐，附近有好幾處地點是可以有免費WIFI上網，只要找到這個LOGO "WIFIGO"便可連線，每次時限45分鐘, 可以上這個網站睇睇地點 http://www.wifi.gov.mo/tc/Find.php


澳門去過N次，都係行下算了

因為太肚餓，我去左義順醫左肚先再搵野食，我覺得仲貴過香港囉，個撞奶SIZE仲細過香港，價錢又差唔多，味道又差唔多

後去譚家魚翅食翅，上次印象幾好，一碗雞炖翅($38), 半隻凍咸雞($$68)，OK啦!

食完野行多一陣就返酒店了，實在太曬太熱哪! 今晚BOOK左銀河酒店的群芳吃自助餐，晚餐BUFFET正價$338 + 10%, 經香港旅行社訂$318全包，我經中旅訂的! 今次放棄了超多人的新葡京酒店自助山，轉戰群芳，可以吃足4.5小時(只限一至五)，我又覺得OK喎，而且小童和老人半價，下次可以帶爸媽來吃! 但注意六,日及公眾假期分兩個時段)

至於味道和種類呢，我就覺得OK，自助山是多選擇，但平日又要分時段，超多人! 但聽聞群芳超多大陸團光顧，但可能我去那天是平日關係，又不太多內地人，不用排隊取食物! 但網上口碑不太一致！

我平時吃自助餐不吃生蠔，但今次即開即食，我也忍唔住食了4隻，一點也不腥，好味道! 我的至愛還有新鮮出爐的葡撻, 田螺, 乳鴒, 乳豬和烏雞湯!

我差不多將所有食物拍下，當然我只是吃到其中一小部份，餐廳有免費WIFI供應，但每次時限15分鐘左右，另外銀河酒店的酒店車站亦有WIFI供應