狂風暴雨後，當到達中山港時，天氣已放晴，第一站是去《豐田四季果園》，所謂任食時令生果，其實只有橙，菠蘿及番石榴，除了菠蘿外，其他生果超級難食，而在樹上的生果，因為未熟，所以又有得睇冇得食，之後又睇左個《中華民旅風情園》(夢境版納show)，其實是小數民旅的歌舞雜技表演，有廣東話旁白，節目內容有認真、驚險、緊張、惹笑部份，比我想像好睇好多，特別是那對空中飛人小姊妹，去開中山一定要睇睇。
晚飯前去了看兩套4D動感電影，其中一套是【古堡幽靈】，片長只係20分鐘左右，載上3D眼鏡，鬼怪會在你面前出現，鮮血會灑在你身上，其實係自動灑水裝置，當鏡頭前有一群老鼠在你面前走過，你會感到腳底有一陣風吹過，好像老鼠真的在你腳邊走過，當你跌入深坑，坐椅亦會跌低一級，其實和其他3D, 4D電影院差不多。
晚飯到【珠海宮廷畫舫─得月舫帝坊私房宴】，8餸一湯，味道一般，好似在果園時吃的午餐好一點。
晚飯後終於可以回酒店了，這是一間所謂5星級的【珠海德翰大酒店】
其實虛有其表，酒店房間都幾殘舊，地毯又有污漬，而且有些房間又有怪味，我被安排住尾房，以前聽得鬼故多，都咪話唔驚，但因為太累了，所以一睡便到天光。第二天起床，雨終於停了，原來房間有一個小露台，還可以看到沙灘，可惜門是鎖上的。
沒有留言:
發佈留言