食食食(2)

7月除了特別熱外，亦特別多朋友生日，所以出街飯局唔少得~~~今年mo爸生日，適逢他又請到假，可以閒日(星期一至六)去我的至愛Mr. Steak吃一頓lunch buffet，只是$148另加一(12-2:30pm)，當然沒有生蠔和牛和一些貴價食物，但價錢和dinner buffet差太遠了，平時dinner buffet要$398另加一，而第一輪buffet亦加到$308另加一，對於我這個慳妹，相信不會再幫襯了!

閒日lunch buffet 有魚生、海南雞、燻魚、冬陰公海鮮粉、熱湯兩款、牛柳、漢堡牛肉、熱盤有幾款小菜、炸物、燒三文魚、沙律、甜品蛋糕多款、3款雪糕，而飲品有利賓納和豆漿任添! 味道保持一貫水準，最好是星期六短週(yes, 我仲要番星期六)來hea一個下午!

下面這間是銅鑼灣的豐收日，前後幫襯了好幾次，但多數叫套餐，今次散叫，所以每一樣食物都好合胃口，除了那個煮不熟的雲腿津白，每人消費約$130!中間黃色那個炸魚(應該是九肚魚)好好味!

至於下面這間叫(薩莉亞意式餐廳)，香港有6間分店，但在港島區只有在北角新都城大廈地下的分店，他最吸引我之處是價錢，$26一個煙肉菠蘿pizza, $26的蜆肉意大利粉, $19的蒜蓉焗田螺，$28地中海海鮮焗飯，$26的墨汁意粉，$16雞翼四隻，最貴的反而是每位$12任飲飲品，其實有免費水供應，因為飲品吧的飲品好難飲，而那個海鮮焗飯的飯好爛，下次一定不會吃，但pizza和意粉, 雞翼都算ok, 下次一定再幫襯!