好明顯，我近日好鬼懶，好少update個blog,又唔想打字
!
!
最近好想買Olympus EP3,好靚仔, 想趁我部單反仲值小小錢賣左佢，補錢換部ep3，但係mo爸反對.....佢話留番部機映阿mo喎!其實ep3映d相都好靚啫!
我係HARRY POTTER FANS，終於最後一集哪，星期日買左飛睇早場，心情有D興奮亦有D失落!
MO爸買左IPAD2, 但我對呢個玩意興趣不大，我都係鍾意玩自己部電話多D!
阿MO唔鍾意梳毛，所以每一次梳毛，都要合二人之力先至成功，但每一次都比佢咬兩口，最近MO爸梳毛時, 我載上廚房用拎熱食的厚手套，襟住阿MO的頸部，佢就郁唔到個頭去咬人，但係佢極之唔鍾意我襟實佢，所以每一次都會怒視我，之後仲會面壁，嬲爆爆，叫極佢都唔望番我地，但係佢又怕悶，當我地兩個都唔理佢，佢又忍唔住掉番轉頭望住我地!
阿MO每朝去大大前，佢都會先奔跑一輪(唔知點解)，去完大大，唔理幾早都好，都會喵醒MO爸幫佢清潔廁所，同走上枱等MO爸幫佢清潔PAT PAT，呢個壞習慣是MO爸做成的，所以他每早都要做清潔工! 好可憐!
4 則留言:
我都係harry potter fans! (佢D書同戲都刨晒架, 仲有去LONDON都特登去探佢個月台, hehe), 諗住今個weekend去睇呢.. 不過睇晒就真係咩都無啦 如果佢地o既小朋友可以出續集都唔錯 阿mo肯比人清潔pat pat都好, bebe一拎起佢條尾就鬧人啦~ 次次抹親都好似我地想劏左佢咁大叫 所以而家我用貓仔o既消毒濕紙巾同佢抹, 貪可以快手d~
[版主回覆07/16/2011 11:42:00]
你的提議唔錯喎, 一於由佢地嘅仔女繼續.....不過又聽聞會拍前傳, 咁即係講番harry父母佢地...
初初阿mo都唔比我地清潔佢pat pat, 不過後來次次都做, 佢就習慣左, 我都係用貓仔用的濕紙巾幫佢清潔, 貪方便
我都為梳毛而煩惱呀.... 我只係可能趁佢食緊雞雞既時候佢先唔反抗我梳佢D毛...但肚果D攪唔掂呀....煩屎屎...
咩要抺PatPat既咩...?
[版主回覆07/18/2011 01:30:00]短毛貓會好d, 阿mo試過幾次d毛痴住 "ng ng", 跟住走上床, 自始之後, 我地每一次事後都會同佢檢查下!
mo mo 的相咁令，不如個mo mo calendar 喇....XD
[版主回覆07/20/2011 00:31:00]又真係冇諗過, 等佢儲多D相先
可唔可以同我分享吓阿MO既"唔唔"次數同狀態呀...?
[版主回覆07/23/2011 15:49:00]多數每日一次, 9am前, 或夜晚, 因為辦公時間瞓覺, 但狀態即是?
發佈留言