一個優閒黃昏-赤柱

由家乘巴士到赤柱只有20分鐘車程，今早錯過了早上黃金時間，便改為傍晚時份到來！趁太陽仍未拜拜便四處逛逛，赤柱給我感覺好外國feel，亦好遊客feel,但無疑是一個很舒適的地方，腳步也自然地慢起來！我不是一個轉數快的人，有時説了一些說話或做完一些事，過後當再回想起來會後悔，在這個節奏急速的城市裏，有時難免會碰壁，所以唯有少説話和打醒十二分精神去做事！

當放假時，我才可做回自己，動作可以慢下來，腦袋可以停下來，這刻心靈才可以得到䆁放和放鬆！

今年生日Goldcoast Hotel HK

今年生日請了兩天半假期，並沒有外遊，購了團購黃金海岸酒店package,包雙人自助晚餐，另加雙人自助早餐，$1618，比在酒店直接訂平宜很多，爸媽一直想再去黃金海岸酒店，所以今次和他們一齊去，可惜是這兩天又凍又黑雨，所以他們不可以去酒店泳池游水呀！

但自助晚餐實在太豐富和好吃，即場燒烤是我的最愛，很想再吃一次！

2013年的點滴

每一年亦有新一年的展望,2013年亦有,今年主要是希望股票回家鄉,但2013年一點起色也沒有,還愈來愈差，希望明天會更好吧！

今年生活沒有大變化,工作亦然。

這一年特別覺得自己老了,可能是身體上,可能是外表上,那種感覺蠻可怕！

原來一個人原地踏步，一切不變，包括了心境，失去了進步的動力，比老更加可怕！

或許2014年的願望，是為自己心態上作出調整，去接收除工作與生活以外的更多可能性吧！

另外,身邊朋友的父母亦開始遇到生老病死的問題，希望來年父母能夠健健康康,開開心心，這是我最大的心願！

用手提電話寫Blog

在Apple store裝了Blogger這個App,果然在手提電話寫app更方便,以後可以隨時隨地寫Blog了，版面亦清楚呀！

捨不得

還有十天便去旅行,雖然只是5天，但真的不捨得阿Mo,想起她晚上一個在家,我居然想哭呢,可能今次之後,再不可以兩個人一同去旅行了！

又要搬家

網誌搬家並不是第一次，上一次是8年前的事，但當時只寫了年多網誌，所以抽了十幾篇較有紀念價值的，便可簡易搬家，但今次公開私人的blog超過了1000篇，真的好頭痛，亦對blogspot的function不甚少解，所以相信需要甚多時間才可完成這偉大工程!

我的新玩點

現在用手提電話上網十分方便，寫了差不多8年blog的我，以前每天也要用desktop或netbook上網，現在兩星期才開一開電腦，為只是update一些找賬記錄，看一看我上一篇blog已是2月的事，以前每年生日，我也會寫blog記錄，今年仍有記錄，只是轉了記錄地點。今年生日請了一天半假期，半天去了西貢閒遊，另外一天去了南丫島行山，感恩的是這兩天天氣很好，有陽光但不太熱，可以過一天和平常不一樣的假期。

自從yahoo blog改革之後，真的很怕在這處更新網誌，後來轉了去寫微博，這幾個月愛上玩電話APP的LINE PLAY，可能之前有玩開SIMS的緣故，所以對LINE PLAY愛不釋手，它像微博一樣，有日記可POST相片，亦可交朋友，不過是來自世界各地的人，你可以為自己選擇一個獨特可愛的AVATAR，為他添置新衣，買傢俱，或參與LINE PLAY的活動，玩熟了還可以參與其他人舉辦的日記活動，可獲得LINE PLAY內的心心和禮物或工作賺取鑽石(即代幣)。當然這個手機APP是FREE的。有興趣可以在這處找找我交個朋友!我的外表髮型也不時更新!


下面是我以前的家，現在已經不同樣子了!

下面是MO之近照，阿MO在LINE PLAY亦有一個腳色呀!

8月記事

從5月去澳門回來後，個胃都未好過，上星期更有一日突然瞓到半夜要起身嘔，嘔了4次到早上7時，跟著便全身發軟，更有點發燒，因為只有我一個在家，用盡力量才行到去最近的診所睇醫生，但回程想買個麵包送藥，在麵包店前只站了幾十秒已經全身發軟，要蹲在欄杆邊等到有點力氣才可以行回家，平時只是十幾步路便可以走回家，原來身體情況不配合，真的什麼東西都做不到!

另外，阿MO很好呀，只是覺得牠有時有點悶，可能是我們給牠的時間不夠，阿MO不愛別人主動親牠，牠喜歡自己做主動，最近我坐在梳化上用電腦或看電視時，牠最愛借D易跳上梳化背在我頭後面擦過，跟著又看一看我，但當我主動抱牠時，不夠幾秒牠又要走! 貓貓的性格真的很可愛，還要是每一隻貓的性格也不一樣，真的明日點解會愈養愈多了!!!

上星期朋友介紹JOIN了一個脫毛療程，還送了下面這個導入機，日本出品， 試過兩次，好似唔係好WORK，不過贈品又冇咩要求了!

5

 

上網煩惱

話說兩年前，全世界都話轉香港寬頻$99有100M，我還是用NETVIGATOR 3M，仲要百幾蚊一個月，趁合約期滿前，便約HKBN上來安裝，但當時阿師傅話搵唔到電話線主位，因為上一手業主裝修時將電話線主位改左位置，而加長左果條電話線係用左一D好差的電話線，根本支援唔到伊家的光纖線，即是話裝唔到，唯一方法係要搵番個主位出來，為左轉台，我地問左管理處那個單位裝左HKBN，再一齊去有關單位睇下個原本主位係邊處，D業主都好好人比我地睇下個主位，之後搵個師傅上來拓開度牆搵主位，結果係度牆多了個洞，但係個主位搵唔到，冇辦法之下，搵番PCCW裝30M，結果係同一個問題所以UPGRADE唔到，最多只有8M，續約價AROUND $120，8M初初都OK，但愈用愈覺得慢~~~~~

最近合約期就到，打去PCCW續約部問下RENEW幾錢，8M同30M平均價要$190-$200，不過30M裝唔倒，好灰!! HKBN又有女仔打來，話跟左我兩年，知道我合約快到期，我同佢講我裝唔到光纖100M，阿小姐話佢知道搵電話主位的問題，我住的那座大廈亦有住戶有同樣問題亦解決左，可以用對講機入線，不用用電話線，或者用明線走入屋，但管理處不允許用明線入屋，所以不會考慮! 月費平均要約$148，滿懷希望之下，等呀師傅上來安裝，點知阿師傅左睇右睇，留左唔夠5分鐘就話裝唔到!!!!  真係唔好玩我呀!!! 阿SALES小姐之後打來，仲話因為我屋企冇電話主位所以裝唔到，我一早講左比佢知, 係佢話得, 又話因為我唔肯裝明線入屋，所以唔可以係走廊拉線入來裝光纖，我DAY 1已經同佢講係管理處唔准裝明線入屋，唔係我唔想!!!! 

之後我又試下打去I-CABLE問，佢地OFFER $99 - 50M，及$129 - 130M，不過不是獨享而是共享，即整座大廈共用130M的I-CABLE用戶，因為我有有線電視，可以不用電話線入，而係用解碼器入線，可以解決左主位問題，不過有線口碑勁差，又話慢又話斷線，但唯一好處就係佢口碑太差，可能冇咩人會用，就算只有20M，都好過PCCW超慢的8M，PCCW仲要成$200一個月，真係冇哂心機，不過....不過.....裝有線真係好驚囉!!!!  仲有兩個月先到期，再努力!!!

後記

星期日PCCW上來試裝30M，其實我都係試下冇咩信心，因為兩年前試過裝唔到，點知今次阿師傅又裝到，我之前冇同SALES講價，所以要成$200一個月($238x24months, free 3 months, $250 coupon)，裝左合約即時生效，之前8M，最高可以去到7M，平均4M左右，現在30M，最高25M左右，多數十幾M!  需要費D, 都好過用I-CABLE!

下面這個用IPHONE 4S 測試

我感我想

近排心情麻麻，每逢週六日都會去海邊行下散下心，yeah!!心情都好d!


今日買左地鐵內雨傘售賣機的雨傘，$78一把都幾貴下，但d顏色又幾靚喎，買左芥末黃色，都幾輕身，幾實凈，防uv防風，又有半年保養，壞左唔係拎去整，而係call人來收，之後整完比番你，唔知係咪真!

之前去尖沙咀食左一間私房菜，都幾好食，冇加一，大大件，套餐百幾蚊起，可以再去!

團購有時都有好野，係yahoo團購買左兩張牆貼，每張$38，d質地都幾好，幫爸媽家粉飾一下，佢地好鍾意呢!

杜莎夫人蠟像館

話說生日前一天，晨早流流去左中環勝香園食早餐，真係好熱囉果日

之後去中環交易廣場搭巴士上山頂，生日當天及前後5天去杜莎夫人蠟像館免費
，原價要$170一張飛!!!!!好貴呢!不過免費入場就睇下啦!

之後去左豚王拉麵($75)，點解d湯唔夠熱嘅，麻麻地!