點心晚餐

離開赤柱，便乘巴士去北角「添好運」吃晚餐，雖然網上有很多人説，它的點心每況愈下，但對於我這些偶爾一餐的人來説，還是及格有餘，而且兩個人只吃了$148，點心也是熱騰騰的，OK啦！我的最愛是蜜汁叉燒包，外層脆脆，裏面的蜜汁叉燒是熱呼呼，好吸引！另外一個雞腳也很好吃呀！嘩！好多骨膠原！😜

還有忘記了拍照的山竹牛肉呀！

食飽飽後，愛貓和愛書人仕可以到附近的「森記書店」看看書又看看貓！

Jamie's Italian

星期五晚本來想去銅鑼灣宜家行下，路經Jamie's Italian,便走去碰碰運氣，當時已經是晚上9時了，等了半小時便有位了，比我想像中要快！

某些食物如pasta, 有分大小份量，有人説小份是一人份量，但我覺得大份才是一人份量、份量明顯較少，至於味道方面，我相信這裏食材較優質，但烹調方法，還是覺得香港人較懂香港人的口味！

所以，試過就夠了！

這個雞翼只有4件，肉質過腍，又酸了點！

這個炸魷魚有點似椒鹽鮮魷，不過咸了點！

帶子墨汁意粉是三款中最好吃的，意粉較硬身，意粉汁不是墨魚汁，所以牙齒不會變色！我已經叫大份$145了，不過分量只夠一個人吃呢！

臨尾還要我未食完，肥哥哥想收碟，點解好似茶餐廳！

有人唔夠飽，要去強記美食補多一餐

尋樂

當心情差時，令自己最開心的，便是吃一些很好吃的食物，心情也自然地愉快起來！

攝於筲箕灣道「上咖啡」

生活點滴

平時放工番到屋企尚早，其實都可以煮下飯，不過每日放工番到屋企超累，所以一星期只會煮一至兩餐，好想找人包伙食, 不想再出街吃又貴又難吃的味精!!!

無心機阿mo

龍泉私房菜---每位計$258一位, 還有一碟炒飯

這個在$12蚊買的磨薑器幾好用

某人第1次整豉汁炒蜆，似模似樣

火鍋秘店

大熱天時還吃火鍋，好像不合時宜，這間位於佐敦的小店，賣的不是一般的火鍋湯底，是粥底湯底，而且不是每樣東西叫，而是按人頭計，每人約$160，按當天最新鮮的食材送上，那些大蝦, 蜆, 鮑魚, 帶子和蟶子新鮮程度有點嚇人，粥底亦很鮮甜，本來聽聞這處的炒麵和蘿蔔糕都好像不錯，但一來枱子不夠空間，二來我們4位小姐的胃亦放不下，大家吃剩的海鮮為免浪費，我還打包拎了回家煲粥! 另外套餐不包飲品及好像4位起計! 這處除了火鍋，還有炒粉麵飯小菜粥品等，聽聞味道不錯，這間火鍋店只有20個位子左右，所以想吃火鍋的，一定要預早BOOK位!

 

上星期去希慎行了一轉，在FOOD COURT內這個日式拉麵午市套餐$78，價錢不是超級貴，但味道真係一般了!!!

吃不停

呢兩個月食左5次自助餐，都好多吓，最唔滿意都算係金鐘萬豪酒店果餐，3月尾去食，HSBC白金卡有75折，折完都要$400+一位，除左龍蝦鮑魚魚生，真係冇野食，但鍾意食龍蝦的會超開心囉，源源不絕供應，但其他食物種類少到呢......唔好提!!

跟住4月尾，M小姐就請我去銅鑼灣PARKLANE食lunch buffet, $235一位(星期六,日)，某d卡仲有節，我覺得得喎，都幾多野食，同埋幾好味，一定一定會再食，在此多謝
M小姐，

第3餐buffet是同事的結婚晚宴，係尖沙咀皇家太平洋酒店，都好多野食下，因為掛住食野同傾計，所以冇映相，提提申請成為信和之友，生日月免費
筲箕灣東大街變左食街好一段時間，d食店愈開愈多，我都差唔多食過哂，有一間吃小菜的叫粥棧小廚，都開左好耐，小菜都幾好味，不過唔易book到位，某天假日早上十一點幾經過，見到入面冇咩人，又有d set lunch，今次唔食小菜吃粥，叫左一個雞粥$40，好大鍋囉，夠3個人食，又叫左炒河粉$40，炒得好惹味又乾身，好得! 又多左個地方食午餐哪!

今年生日又同班好姐妹去灣仔吃那間意大利西餐廳La Bons Brasserie，搬左新地點，我覺得整體感覺cheap左!

筲箕灣又新開左上面呢間叫千福大少，有海南雞餐同咖喱等等，海南雞餐約$58+10%，味道OK，另外試過咖喱牛腩約$58+10%，牛腩有點實咬不下,另外加錢半價叫左杯mocha$24，味道幾好但唔夠熱，而且正價太貴哪!

還有這間新開業的甜品店【糖品】，價格不便宜，份量小，但味道ok，或會再幫襯

另外送阿mo嬲爆爆近照一張，阿mo, 你額頭d虎斑令你睇落去好惡死!!!!