安樂蝸

今晚連續睇左幾集TVB J2台的安樂蝸,突然間令我好想一個人住, 睇左好多由百多呎至四百多呎的部屋, 有些好有個人風格, 好WARM, 某些設計師會因應單位的大小, 而設計更寬敞的空間, 如果將來屋企裝修, 我都會搵設計師會為我的小蝸居動動腦筋!

我身邊有頗多女性朋友也很怕一人個人住, 因為拍黑, 但我卻很ENJOY一個人住, 因為可以有自己空間, 家中擺設和設計, 就算生活習慣也由自己決定, 可能我家中兄弟多,  一間400多呎單位, 要住7個人, 根本無個人空間可言, 所以長大後, 便很想一個人住!

直至結婚前, 我有一個月時間可以一個人住, 睡到半夜可以起身睇電視睇天光, 又可以CALL朋友上來過夜傾計, 一個人安靜地睇下書都可以, 好FREE好開心, 就算只是百多二百呎空間, 但總算是個人小天地!

結婚後兩個人住, 又是另一種感覺, 變了兩個人的空間, 所有地方都要SHARE用, 現在是兩個人, 一隻貓的空間, 哈哈!有時都幾迫, 因為阿MO都幾佔地方!