攝影班(5)──相片品評

今天是攝影班第五堂，我現在仍是攝影BB班，今堂每個學生要帶一些自己覺得最滿意的相片去品評一下，講真，我真係冇滿意的相，卒之將前兩天映的花花，拎去曬相，去了快圖美同kodak，但發覺出來的顏色同電腦睇差很遠，好似一團紅色的花，完全冇層次，所以冇拎出來，今晚只係聽阿sir評其他同學的相，其實都可以學到野。我想問，用電腦LCD MON睇相和曬出來的相片，係咪COLOR會不同，還是相機的問題，而邊間曬相會好些？

色彩

昨天在家附近的巴士站拍了這幾張相片，看見她們鮮艷奪目的顏色，令我整個人也精神抖擻起來！

我的第一枝腳架

我還未買相機，便先問爸爸借了他用了25年的腳架，他說他當時用了$150.00買了它，聽說是made in japan，它現在身體尚算健康，只是有一隻腳不能伸到盡去到最長，始終它陪伴我爸爸咁多年，我都會好好對它的

令人失望的《禍水》

呢套戲英文名叫"Lady in the water"，英文名較中文名貼題，從片頭預告及女主角造型，會以為係一套恐怖片，看後，只覺得得啖笑，我相信好多人從《鬼眼》後，對呢個導演拍的電影好有興趣，我亦唔例外，《鬼眼》之後亦看了《驚兆》，《驚兆》的ending，今我失笑，咁都得。

而《禍水》中，有舖拍戲癮的導演禮切沙也馬蘭減肥成功，加了自己很多戲份，還有很多close up，而電影方面，好像做比細佬仔睇，故事單薄，雖然知道是根據的一個床頭故事改編，但覺得故事很無聊，又似喜劇，因為加入很多古怪人物，總括一句，不看也罷！

最後，全套戲有一個人死，好似《哈利波特》，友人睇完講左句，「死果個應該係導演」

愈來愈平的單鏡反光機

同事L今日食午飯送上剪報一則，有關於CANON 350D 減價，凈機身由$6,080減到$4,680.00，真係平到你唔信，對於一個初學攝影嘅人來講，真係好鬼吸引，但係佢仲有好多野跟尾，好似長炮短炮先係最入肉，攪攪下D-SLR愈來愈平，prosumer機又真係冇位企，不過重量同後加鏡頭始終係一個重要考慮因素。

揀機的煩惱

近日時常進出電器店，去碰一碰心儀的數碼相機，格一格價，但當每一次向店員問意見時，他們大多說部部差不多，當問了兩三間店都是這樣，我便放棄了。

現在決定自己上網找資料。現在心儀的有Canon PowerShot S3 IS，Panasonic Lumix DMC-LZ7，Panasonic Lumiz DMC-FZ50，Sony Cyber-shot DSC H5，Fujifilm FinePix S9500 Zoom也很不錯，但可惜太重，本想買canon，但可惜影像質素只是一般，但這幾部prosumer都算便宜，只是$3000-$5000左右，便可以一機走天崖，我現在還是忍忍手，再等多幾個月，到年尾待出多幾部機才買，不過要忍手其實並不是易事，因為總是心癢癢的

攝影班(2)

今日上了第二堂攝影班，主要係講數碼機同菲林機的分別，阿張sir好似好buy數碼機，但在同等價錢下佢會覺得菲林機會靚d，不過最視乎攝影師的技巧，今堂佢亦有教我地簡單構圖，和當去到一些熱帶地方旅行要如何處理相機，也很有用，上面果張相係今日食午飯後，路經公園映嘅，人地映相通常前清背景朦，我呢張剛好相反，因為係傻瓜機的關係，全部自動波，但效果都幾得意呢，而且我又好鍾意啲好colourful的相片，所以就將呢兩張相放上blog哪！

數碼相機

Fujifilm FinePix S9500 Zoom  $4xxx.00

Canon PowerShot S3 IS  $3,480.00

近日最大的興趣是研究那部數碼相機最適合自己，原來真係唔易搵，今日去豐澤，店員聽了我要求介紹了canon powershot S3 IS 比我，部機係大同重左小小，410 g(唔計電)，都ok，有600萬像素，12x光學，0 cm微距，支援光圈快門先決及手動曝光，亦有防手震，價錢只係$3,480，仲有1G card送，但可惜上網睇comment麻麻，相片顏色偏淡，我鍾意colourful一些，所以未決定，另一部Fujifilm Finepix s9500 zoom都好吸引，不過成700幾g，女仔未必鍾意。

 

攝影班(1)

 Canon ESO　350D

Nokon D50

今晚是我第一堂學攝影，班中大約半男半女，全班約60人，第一堂大致是教鏡頭的防潮保養護理，同學問，對於初學者應買那些相機，阿sir提議初學者可以買Nikon D50單鏡反光機不連鏡頭，另買TAMRON 18-200mm鏡頭，約$8500，呢個組合是最低要求，但對於我這個初學者兼女孩子來講，一部單鏡反光機是比較大件同貴，因為我希望要一部隨身携帶的相機，但要有手動光圈快門功能及4x光學變焦以上及防手震，但市面上卻好似很小這類機種。阿sir亦未能提供意見。

如果想學基本攝影，係咪一定要買單鏡反光機呢？