如何提早退休

2011年7月14日星期四

無所事事

好明顯，我近日好鬼懶，好少update個blog,又唔想打字

最近好想買Olympus EP3,好靚仔, 想趁我部單反仲值小小錢賣左佢，補錢換部ep3，但係mo爸反對.....佢話留番部機映阿mo喎!其實ep3映d相都好靚啫!

我係HARRY POTTER FANS，終於最後一集哪，星期日買左飛睇早場，心情有D興奮亦有D失落!

MO爸買左IPAD2, 但我對呢個玩意興趣不大，我都係鍾意玩自己部電話多D!

阿MO唔鍾意梳毛，所以每一次梳毛，都要合二人之力先至成功，但每一次都比佢咬兩口，最近MO爸梳毛時, 我載上廚房用拎熱食的厚手套，襟住阿MO的頸部，佢就郁唔到個頭去咬人，但係佢極之唔鍾意我襟實佢，所以每一次都會怒視我，之後仲會面壁，嬲爆爆，叫極佢都唔望番我地，但係佢又怕悶，當我地兩個都唔理佢，佢又忍唔住掉番轉頭望住我地!

阿MO每朝去大大前，佢都會先奔跑一輪(唔知點解)，去完大大，唔理幾早都好，都會喵醒MO爸幫佢清潔廁所，同走上枱等MO爸幫佢清潔PAT PAT，呢個壞習慣是MO爸做成的，所以他每早都要做清潔工! 好可憐!

2011年6月28日星期二

觀賞紅葉，除了可到美加、日韓等地外，香港其實亦有零散的樹木會在秋天轉紅，遠在郊野，近在市區均有。

香港的紅葉一般在 11 月中旬至 12 月開始變色，地點包括荃灣城門水塘、元朗大棠郊野公園、大埔滘郊野公園、馬鞍山郊野公園山頂及紫羅蘭山，在 11 月過後亦可以見到點點紅。除了楓香外，樹葉會變成紅色的樹木還包括有野漆樹、槭樹、山烏桕等。

若市民希望賞紅葉，但又嫌郊野地區遙遠，在香港公園和動植物公園亦可看到紅葉蹤影。最早變色的，要算是在中央圖書館外的欖仁樹。

本港紅葉非楓葉裂成三分

不過，同葉不同類，香港的紅葉並非楓葉，小心觀察，便會發現本港的紅葉多為「三裂掌狀」，即形如雞腳，一塊樹葉裂成三分，與日本、加拿大或韓國所見的一塊紅葉分為「五裂」、「七裂」大不同。

其實本港所見的紅葉來自「楓香」樹，根本上不屬楓樹科（maple），而是金縷梅科（hamamedelidaceae），但因樹葉外貌與楓樹相似，且秋天會變紅，常被誤以為是楓樹的一種。

（資料來源：香港經濟日報）

2011年6月21日星期二

新轉變

對阿mo來說, 新貓樹是牠的新轉變，由初頭不敢入去玩，到現在牠會走到頂層，意圖爬過隔離書架，我最喜歡牠走入屋仔內，因為樣子很有趣!

而我亦有了一些轉變，keep了10多20年的長髮剪短了，就是楊丞琳這個髮型，好易打理，髮型轉了後，又想買過一些新衫，染染頭髮，總之是想有點不一樣!

2011年6月19日星期日

人仔台用後感

用左人仔兩個月，因為公司收唔到人仔，所以每個月用到的數據唔過300M，在公司只可以用到WHATSAPP SEND文字短訊，相片都SEND唔到，但離開公司，大部份地方都可以SEND和收相片, 片段都冇問題! DOWNLOAD歌仔亦得, 至於人仔和其他台最大不同的，相信是睇唔到YOUTUBE和蘋果動新聞(睇到都LOAD得好慢好慢)!

但對於要求不大的我，其實可以接受，因為只是$68無限上網，收了兩期月結單，真的沒有任何附加費，但工作地點收唔到，反而令我有點煩，有時想CHECK下股票, CHECK下EMAIL都唔得，所以如果我公司不是電話和上網的盲點，合約過後，我是會繼續用的，但如果沒有改善，我轉台的機會是9成了!

2011年6月17日星期五

新貓架

買了貓架, 不是之前那兩間, 而是這一間，因為看見這間貓傢俬專門店有很多款和顏色選擇，而價錢是前兩店之間，$630另加運費，所以便選擇了它，本來想要其他顏色, 但訂貨要兩個星期, 只有藍色有現貨, 阿mo貪新鮮地玩左一陣, 就氣來氣喘，好似要用很多體力! 而老闆親力親為送貨而且還幫我砌樹，十分好人!

同場加送cute版阿mo兩頭望

2011年6月12日星期日

貓樹二選一

阿mo來我家已一年，已經玩爛兩棵貓樹，但屋企地方細，在網上搵到呢間專做貓樹的，可以度身訂造size，更可以自己design款式，但相對地價錢貴了點，下面那個fit size的discount後也要$668, 另加$105運費, 即$773，$668可接受, 但那運費真的好貴!

下面這間網上寵物用品店這棵貓樹只是$558，還要免運費，相對地較抵，但底板size大左小小，而且質料好像不夠專門店的好!

究竟買那棵較好呢?

2011年5月25日星期三

我的小天使

我身邊有些朋友知道我養了貓, 總是覺得很奇怪, 為什麼要為自己增添一些工作和煩惱，可能因為他們不喜歡小動物, 所以數出幾個養寵物的害處，還要加點警告，這些問題，我在養貓之前已經想過，亦有了心理準備! 可能對於一些沒有養過寵物的人而言，當寵物如家人是一件很奇怪的事!

其實養了momo後，真的為我家庭增加了很多樂趣，某人常說牠是我們的小天使，帶給我們很多歡樂!

2011年5月19日星期四

買唔買好呢?

阿mo是一個好貪玩的小朋友，而且非常好奇，其實很想幫牠找個伴，但家中太小，根本容不下多一隻貓和牠的用品，有時都覺得牠會悶，成日望住d玩具想玩，我見有些人會帶貓上街，但貓不同狗，不能放在地上周圍走，我想買一架寵物車，周日帶阿mo去公園散散步，比佢望下風景，但究竟佢鍾唔鍾意呢？真係心大心細！

2011年5月12日星期四

生日誌

放了幾天假，其中兩天去了黃金海岸酒店，book了一個package過了兩日一夜，今次可以late check out (6pm)，比平時12pm要走，真的舒適很多!

今年生日朋友又去灣仔的La Bons Brasserie ，她們也很喜歡，可惜我order那個燒春雞好"鞋"囉，朋友對那個會烏咀的墨汁意粉讚不絕口!