今日阿MO卒之打完第3枝防疫針, 大功告成, 如無意外, 一年後再見DR. MAGGIE, 之前提過阿MO由到我家到今時今日, 都有打噴嚏的毛病, 呢個係佢遲遲未打哂防疫針的原因, 而且呢兩日見佢打噴嚏多左, 所以見醫生時, 又再問清楚, 醫生話如果D鼻水是清的, 不是黃同綠是沒有問題, 可以由得佢!
我問醫生阿MO絕育後胃口差左, 以前食開D乾濕糧都唔太食, 但係比D新糧佢, D胃口又番嚟, 阿醫生話如果佢鍾意貪新鮮, 好過剩係鍾意食一款糧, 所以有需要的話可以幫佢轉糧!
我又問阿MO有時好惡死, 佢小姐心情唔好時, 摸下佢都會咬人, 愈NO愈咬牙切齒, 阿醫生話佢睇得出
, 佢話如果用NO冇用, 要用"池池"聲嚇佢, 因為佢阿媽都係咁, 同埋佢頸後有一個凹位, 如果按下去可以令貓貓靜止, 如果都係唔聽話, 可以用噴水壺噴一些水牠的臉上, 因為牠的媽媽有時教小貓時, 會用口水噴濕小貓的臉! 我有我地講, 阿MO由醫生張診症枱走到醫生張電腦枱, 仲想企上部NOTEBOOK上, 當醫生想幫佢打針時, 佢居然兇阿醫生, 阿MO真係失禮人!
另外DESEX後, 醫生話阿MO個傷口埋得好靚, 不過入面腫了一舊, 可能係佢太活躍, 引致傷口有D組織走左出來腫起左, 不過佢話個會自己好番, 亦可以唔使理!
阿MO重得好慢, 我第一次見佢, 佢唔夠兩個月大, 都有1.29KG, 而家5.5個月大, 得2.52KG, 即5磅半, 好輕咁!
呢張相, 阿MO望落去好肥....肥婆MO
阿MO, 你都瞓得好危啫!!!
前晚MO爸同阿MO對峙, 其實係MO爸想抱阿MO, 阿MO咬MO爸, 愈NO愈咬, MO爸見阿MO咁惡, 就更加要抱佢, 卒之各不相讓, 阿MO手腳抱住MO爸的手, 跟著咬咬咬, 不過只係大力印落去, 但呢個行為絕對唔要得, 後來阿MO跳上枱, MO爸站到枱前, 阿MO採取動我不動, 但毛髮直立, 耳朵向後, 當MO爸欲上前摸一摸阿MO, 阿MO立即出手還擊, 總之係好惡好惡
! 卒之....MO爸認輸了.....! 是夜, 阿MO唔比人掂...直至有人請佢食零食, 牠的節氣無存, 跟著某人咪咪叫, 任摸任抱, 即時令我想起國產零零7某片段!
但零食過後, 牠又還我本色, 我摸佢又咬我, 但我冇阿MO爸咁仁慈, 所以將佢困了在廚房兩個小時先放出來!
貓醫院打針: $300診金 + $30針 = $330
2 則留言:
我兩位公子分別係2.6和 2.8kg，下次desex時應該過3kg，女會細D，佢地ok，好少惡4，女仔可能有D小姐脾氣
[版主回覆09/09/2010 23:14:00]阿mo今日再磅過, 都有2.6kg, 不過近排唔係太食野, 食小小野就掛住玩, 我上次見個貓專家, 佢都話男仔會快定性d, 女仔有時會貪玩到兩, 三歲!
男仔大只D，女仔骨骼細D，一般男仔平和D，我朋友的貓女都有脾氣。
我只有很多年前養過女仔，不太跟我，跟男人，貓仔跟我，異性相吸掛，所以以後都是搵仔了，是仔，e+都係。
不過朋友們不同意我講法，她們的貓女都跟女主人 wor
[版主回覆09/16/2010 18:11:00]阿MO見我時間多D, 所以跟我多D, 不過佢有時都好跟我先生
發佈留言