抱抱貓貓

今晚朋友請食飯, 約會前先到愛護動物協會睇待領養貓貓,不過貓貓數量不多, 只有十幾隻, 由幾個月大至幾歲都有, 但卻遇不到心頭好!

晚飯時收到了朋友的禮物, 有貓貓書一本和相機帶, 兩樣我都很喜歡! 晚飯後跟朋友到景隆街寵物店看貓, 分別在兩間寵物店內看中兩隻蘇格蘭摺耳貓, 一隻是香港品種($5500), 另一隻是外地入口, 要$10,800, 從外表來看, 貴的好像較活潑和健康, 但我和他明顯地較喜歡平的那一隻, 因為樣子較討好, 而且好溫純, 但朋友提醒這間較平的寵物店有不良的record, 買之前要想清楚!

我現在仍未有決定是領養還是購買, 不過已經有了心水貓的樣子, 今晚算是第一次抱貓貓, 貓咪伏在我身的感覺很奇特, 好像一個初生嬰兒很需要你保護一樣, 我可以感受牠身體的溫暖和倚賴, 雖然我還是有點怕去養一隻小貓(始終未正式養過, 怕牠會很易死), 但當抱起牠時,亦難掩蓋我的興奮!

這幾天牙肉又紅又腫, 初初以為熱氣, 吃了龜苓膏仍冇作用, 昨天看了西醫, 亦只是開了些止痛藥給我, 昨晚更痛到不能入睡, 半夜痛醒, 更痛至耳仔和喉嚨, 今天整天都不能正常進食, 基本上是喝水和講說話都痛, 牙肉更腫了3-4倍, 明天是星期日, 不知道有冇牙醫睇呢??