痛腳

十幾日前在地鐵跌傷仍然未好番哂, 傷口已經埋哂口, 不過入面好多瘀血未清, 所以呢幾日要睇跌打, 之前睇果個跌打師傅冇咩料, 睇左兩次都係差唔多, 今日朋友介紹去左銅鑼灣睇陳志英醫師, 不過唔係佢本人睇, 去到醫館有成十幾人等緊, 等了個半小時先有得睇, 阿醫師話我d瘀血積哂係傷口四周, 又有一d流左去腳眼, 所以會好痛, 而瘀血面積太大, 又散唔到,  佢問番我點解西醫初初冇幫我放血, 我心諗有傷口唔係應該止血咩!

佢又講左好多野, 我有d明,有d唔明, 好似都係話個傷口太大, 比較麻煩, 佢又話傷口附近的皮膚太薄, 所以不敢捽, 卒之full左一d超"那"的藥, 叫我天日覆診, 但係診金真係好貴, 要成$320, 我第一次睇跌打咁貴, 好在有得claim, 聽日睇多次睇下點先! 醫師要我應承佢兩樣野, (一)唔好食牛肉同飲酒; (二) 要放高隻痛腳同行小d,  第2樣超高難度, 唔通開工時將隻腳放上枱面!