HOT BANGKOK DAY TWO (2)

2009年3月5日(THU)

好多人話來曼谷一定要食MOS BURGER，因為比香港平，十幾蚊一個MOS BURGER係咪好平，我真係冇咩印象，我反而唔係太想食，因為香港都有得食，好似食完又小左個QUOTA。

呢次旅程去得最多係CENTRAL WORLD，基本上我想食想買的都在附近，經過NaRaYa，人山人海，香港人居多，我其實唔係太喜好蝴蝶袋的pattern同質地，但一場來到都買左一個白色A4 SIZE的袋，同STANDARD的蝴蝶袋外型質地好唔同，只係360B($77)，夏天上班用都好。

之前在網上預約左CENTER POINT MASSAGE & SPA做SPA PACKAGE，包括全身磨砂，香薰按摩，草藥球按摩，腳底按摩，共3.5小時，特價只係1,100B($237)一位，真係超級抵。約3:30PM搭BTS去SALA DAENG EXIT 1，跟指示都算容易搵到，本來經網上訂左COUPLE ROOM，去到現場佢話因為太多人要COUPLE ROOM，所以只有單人房，我反而好高興，其實每人一間房更好，一來冇咁尷尬，而且按摩師可以集中一啲，我都可以RELAX一啲，又唔駛等沖涼。

去到先選按摩油同磨砂，按摩油的味道好似差唔多~~

我的房在3/F，路經洗腳的地方，唔知係裝飾定真係有人係度洗腳

我嘅房有大浴缸，不過我個PACKAGE唔包浸浴，所以冇得用

按摩師安排左我入房，就擺低條毛巾，叫我換浴袍，第一步係全身磨砂，真係全身磨，雖然大家都係女人，其實都有啲尷尬，之後就沖水哪，沖水時，按摩師仍然係房內換床單，真係你有你沖佢有佢做野，不過佢唔會望你。

點都好過幾年前去DIVANA SPA，兩位按摩師企係度睇住我同老公焗SAUNA同幫我地沖涼，雖然有穿UNDER，不過都係好尷尬，唔知伊家佢地有冇改善呢。

沖完涼皮膚真係好滑好滑，之後開始香薰按摩同草藥按摩，技師手勢幾好，很舒服，草藥球頗熱，但係印多幾下又變暖，按摩師見我拍熱，她不時安慰我，話草藥球GOOD FOR BODY!其實感覺幾得意。

按頭時真的很舒服，還會按臉，真係估佢唔到，佢其實有一個PACKAGE包FACIAL的，貴$30左右，唔知好唔好呢。

按按按~~~跟住又沖涼換番衫，落下一層去一間雙人房腳底按摩~~

老公一見到我即刻話按摩師手勢好好，佢想BOOK第2日再做一次，不過COUNTER小姐話已經FULL了，不過可以第2日打電話來問下有冇人取消。入左腳底按摩房，按摩師會比條褲我地換，張床又係好舒服，手勢又真係幾好，就算下次冇PROMOTION，我諗我地都會再幫襯。

按完又搭BTS去左MBK CENTER  7/F的WARP INTERNET，諗住預早48小時MARK機位，呢處20B($4.3)一小時，講明你要玩幾耐，先付款，店員會比張紙仔你，有USER NAME同PASSWORD，登入左，OK！

本來想去MBK的FOOD COURT，不過CLOSE左，其他好多食店又收埋，卒之去左地下果層，又去番8食野，不過呢間分店冇咁好食。之後去左隔離間STARBUCKS買左杯POKKA 105B($22.5)就番酒店LU。

冬陰公鮮蝦拉麵83B($18)

68B($15)

照燒雞70B($15)

                                                                            .......HOT BANGKOK DAY 3 (1)