繁忙的12月

這個月工作非常繁忙，人亦變得緊張和心情不佳，有時亦影響晚上的睡眠質素，近日公司亦有些人事變動，但暫時對我沒有直接影響，預計明年農曆年後才有大事發生!

12月是消費月，加上很多朋友親人的生日，這次朋友生日選擇了灣仔的生記，聽聞頗出名，但食物份量很小巧，特別是那碟鹽鮮魷，好似酒樓點心的size，份量少得可憐，喝過豆腐魚雲湯，心想我也可以煲一樣的味道! 4餸1湯1炒麵，埋單約$520!

今個聖誕節，大部份時間都留在家中，因為病了兩天亦因為減少消費，但一出街就破財，居然去提款機襟錢，忘記了攞錢，可能我太心事重重了，要等放假後‧ 銀行才confirm到啲錢有冇入番去銀行，還是給人取去!

我放假留在家，最開心的是阿mo，牠總是跟著我，我在床上睡覺牠又走上床，我走出廳牠又走在我腳前，好少見牠那樣嗲!

試新野

之前勁多人換左這set日本護膚品免費試用裝，主要是針對色斑和皺紋，當時係免運費，但因為太受歡迎，伊家要比$50運費(COURIER)，訂免費試用裝必須25歲以上的女性，即熟熟地的女性，網站說這是3天份量，有落妝、潔臉，精華素、保濕液、cream、lotion、防曬和面膜! 最平果枝原價都要$500，最貴果枝皇牌cream20，話有膠原蛋白，話用到兩個月，要$1300一枝，都好貴下!話說1 set試用裝可以用倒3日，咁10 set就可以用30日，$50 x 10 = $500，平過去網站訂半份裝(約30天份量)要$3300，不過....當然冇咁著數，每人只可以取一次試用裝，但如果你有親朋好友幫你代訂就另計!

我只試過落妝、潔臉，精華素、保濕液、cream，其實都幾潤下，秋冬用幾好，我唔鍾意枝洗臉膏，好皂，我好LIKE枝保濕液，幾保濕，有D似SKII，不過原價60天份量要$500，都係諗下先! 聽聞枝MASK好得，話用完又白又滑同減少乾紋，聽住先，但我未用過!

每日有訂購SAMPLE的限額，夜晚通常都已滿額!
https://www.dwrinkle.com.hk/tc/sample/input