緣份精華遊

mov3
mov3

因為有張買一送一戲票，今晚選了看『緣份精華遊』，之前聽過影評好壞參半，不過只想輕鬆下看一套愛情喜劇，我相信呢個咁少要求應該好易達成，我好鍾意睇一d開心的愛情喜劇，不過先決條件是男女主角要靚，不過呢套戲有個肥仔Jack Black，我諗佢好似齊歡暢咁，係sell開心同好人，幾靚都好，如果心地唔好，對你唔好，幾靚都假，不過我相信ok順眼是好多人的底線。

睇完套戲，都ok，皆因是hollywood計算式愛情喜劇，令人睇得開心，Kate Winslet戲中角色人見人愛，她美麗、心地善良、專一，我係男人都會鍾意佢，而jude law靚仔、24孝老豆、深情、有氣質，但M字額愈來愈嚴重。Jack Black攪笑、鬼馬，而金美倫戴雅絲，個樣始終怪怪地。電影很計算，因為很多事發生都好似為後來舖路，有點公式化，沒有驚喜，但故事總算流暢，發下夢有個jude law咁靚仔男友都好，而且仲買大送細，好抵!Kate Winslet 真的做得很好，表達到女人最痛。